Natxo Allende. Torbellino. Torbe. Zuetako askok La Sexta'ren "Sabías a lo que venías" programan ezagutuko baldin baduzue ere, luzea da Torberen itzala. 1969. urtean Getxon jaioa eta Opus Dei'ko ikastetxe batetan 18 urte arte ikasia, freak pornoaren jaungoikoa da gaur egun.
Bukkake bilerak edo kamiseta probokatzaileak saltzen hasi baina lehen ordea, Torbe showman hutsa izan zen, freak sormen iturri hutsa: hamaika telebista lehiaketetan parte hartu du, zapping'etako historiara pasa diren eszena freakiak egin ditu, abeslaria izan da (Torbellino izena "Miles de Albañiles" musika taldean zuen ezizena zen), aldizkari bat sortu eta zuzendu du ia hamarkada batez (La Comictiva, 1994. urtetik, Alex de la Iglesiarekin, besteak beste), eta zineman ere agertu da, besteak beste. Filmeok Torrenteren bigarren eta hirugarrengo zatiak izan ziren, La Sexta'ko programaren kasuan bezala, Santiago Seguraren eskutik. Azkenengo honen baimenarekin gainera Torrente X ere egin du.
Telebilbaon maiz atera ostean jasotako ospeaz nekatuta, Madrilen negozioak egin eta dirua erraz irabazteko aukerak seduzitua, Euskal Herriko giro itxi eta atzerakoiaz nekatuta, eta airez aldatzeko gogoak bultzatua, orain urte batzuk dena utzi eta Bilbotik Madrilera joan zen.
1995. urtean hasi zen Natxo interneten nabigatzen. Internet suposatzen zuen iraultzaz liluratuta internet zale amorratua bilakatu zen. Lehenik #bilbao solasgunean txortan egiteko neskak bilatuz eta geroago sexuari buruzko webgune txiki bat eginez, publizitate moduan sartzen zituzten dialer pare batzuekin, hilean garaiko milioi bat pezeta (6.000 euro) irabaztera iritsi arte.
Gaur egun, El Correo egunkariaren arabera hilero 60.000 euroetatik gora fakturatzen dituen egunero 100.000 sarreretatik gora dituen Putalocura.com webguneari esker barre egiteko pornoa saltzen du argazki, kamiseta, SMS edo bideo euskarrietan.
Bilboko nesken erruz sartu omen zen Torbe pornogintzan. Bere esanetan Euskal Herriko neskak "emakumezkoen gorputzean sartutako gizonak" omen dira eta gure gizartean bere ustetan dauden kultur tabu eta bizimodu kontserbadorearen ondorioz ezin omen zuen berak nahi beste Botxoan txortan egin: egunean lau aldiz masturbatzen omen zen!
Eta nahi beste larrutan egiteko aukera bakarra, porno aktore (eta entrepresari, gaur egun) izatea beste aukerarik ez zuen topatu.
Gaur egun Dominikar Errepublikan ezagututako 19 urteko neskatila batekin ezkonduta dago. Bizpahiru egun baino ez omen zituen behar izan maitemindu eta elkarri betirako maitasuna aitortzeko.
Natxo Allenderen lan biografia istilu eta arrakastaz beteta dago. Hain bilakatu da ospetsu Wikipedian ere artikulu bat ireki zutela bere bizitza kontatuz. Arrakasta handirik gabe, eztabaida oso luze baten ondorioz ezabatzea erabaki baizen.
Bere esanetan arriskatzen ez duenak ez du ezer irabazten; hori dela eta bere egitasmoak aurrera eramateko justiziaren mugen ertzean jolasteko beldurrik ez du izan. 90. hamarkadaren amaieran cyberokupa bilakatu zen metrobilbao.com webgunea okupatuz Bilboko metroan segurtasun zaindari batzuekin izandako istilu bat salatzeko. Aurreko urtean Torrelavegako Udalak egindako salaketaren ondorioz Torbe atxilotu zuten bere webgunean Kantabriako hiri horretako emakume guztiak itsusiak zirela salatu ondoren. Eta azkenik, eta orain hilabete batzuk, poliziak Natxo Allende atxilotu zuen asteburu batez Madrilgo Barajas aireportuan bere filmeetako batetan 16 urteko neska batek, bere borondatez eta txortaldi bakoitzeko 300 euroen truke, parte hartu zuela jakindakoan. Badirudi Torberi nortasun agiria eskatzea ahaztu zitzaiola...
Hau da Natxo Allende. Getxotik, larrua jo nahian irten zen gaztetxoa; Espainiako pornoaren iraultza garatzen ari den arrakastazko entrepresari eta sortzailea.
Hartu
bi minutu eta utzi iruzkin bat arren.
Irakurritakoa gustoko izan baduzu, gehiago idaztera animatuko nau
zure mezuak. Gustokoa izan ez baduzu, aurrerantzean hobeto egiten
lagunduko didazu.
